1408 : dépenses d'un compte
Mâcon, Archives Municipales,  Document 4, liasse GG 187
Transcription by Gaël Maraquin   [Version 1 dated 2012-01-01]

Share|

Introduction

•  Ligne 1
  De  par  les  eschevins  de  la  ville  de  Mascon 
•  Ligne 2
  Thevenet  P(er)russet  maistre  et  gouv(er)neur  de  la  maison  de  la  malederie  de  la  dicte  ville 
•  Ligne 3
  de  Mascon  nous  volons  et  consentons  et  p(ar)  ces  p(rese)ntes  vous  mandons  que  vous  receves 
•  Ligne 4
  en  la  dicte  maladerie  Jehannet  Aley(n)nes  de  Chesne  en  la  chastellerie  de  Criche  empres 
•  Ligne 5
  la  dicte  ville  de  Mascon  lequel  est  infez  de  mezelerie  non  obstant  ce  qu'il  ne  soit 
•  Ligne 6
  nez  de  la  dicte  ville  de  Mascon  et  lui  bailliez  et  admi(ni)stres  maison  pour  son  h(ab)itat(io)n 
•  Ligne 7
  vivres  et  autre  alimens  pour  sa  substancion  ainsi  co(mm)e  s'il  estoit  nez  de  la 
•  Ligne 8
  dicte  ville  de  Mascon  excepte  de  pain  lequel  il  sera  tenuz  ou  ses  parens  et 
•  Ligne 9
  amis  de  ly  admi(ni)strer  tant  co(mm)e  il  vivra  en  la  dicte  maison  Ce  ce  n'est  le 
•  Ligne 10
  pain  des  aumosnes  qui  ly  seroit  donne  et  erogue  pour  Dieu  non  obstanz 
•  Ligne 11
  ordonances  et  inhibitions  a  vous  sur  ce  faites  au  contraire  car  ainsi  l'a  voulu 
•  Ligne 12
  et  consentit  la  plus  saine  p(ar)tie  de  la  dicte  ville  de  grace  especial  et  par  ay  ce  que  le  dit  malade 
•  Ligne 13
  au  jour  de  huy  date  de  ces  p(rese)ntes  a  donne  pour  soy  et  les  siens  a  la  dicte 
•  Ligne 14
  maison  p(er)petuel(le)me(n)t  au  prouffit  d'icelle  maison  une  sienne  maison  situee  en  dit 
•  Ligne 15
  lieu  de  Chesne  ensumble  la  cort  app(ar)tenant  a  icelle  movant  de  la  directe  du 
•  Ligne 16
  cure  de  Saint  Verrin  et  soubz  le  s(er)vis  de  IIII  C  den(iers)  par(isis)  item  une  sienne  vigne 
•  Ligne 17
  situee  en  la  dismerie  de  Chintrie  contenant  cinq  ouvres  de  vign(e)  movant  de  la  directe  de  l'ospital  de  Bourg 
•  Ligne 18
  Nuef  de  Mascon  soubz  le  s(er)vis  de  douze  den(iers)  par(isis)  a  laquelle  donacion  a 
•  Ligne 19
  consenti  Jehannete  sa  fe(m)me  de  l'autorite  de  ly  la  quelle  de  l'autorite  dess(us)  d(icte) 
•  Ligne 20
  et  Jehan  Jouver  ont  promis  par  leurs  seremens  et  soubz  l'obligacion  de  touz 
•  Ligne 21
  leurs  biens  se  ad  ce  consentir  le  frere  dudit  malade  toutez  foys  et  q(uan)tez  foys  que 
•  Ligne 22
  ilz  en  seront  sur  ce  requis  ainsi  co(m)me  appert  par  instrume(n)t  publique  receu 
•  Ligne 23
  par  Pierre  Baillet  l'aysne  tabellion  royal  et  procureur  de  la  dicte  ville 
•  Ligne 24
  donne  soubz  nous  seings  manuelz  le  venerdi  avant  la  feste  de  Noel 
•  Ligne 25
  XXe  jour  de  decembre  l'an  mil  IIII  C  et  huit